რუსეთი, რომელიც ადრე შაქრის ლერწმის უმსხვილესი იმპორტიორი იყო, შესაძლოა, შაქრის ჭარხლის წარმოების ბაზარზე ლიდერი გახდეს, თუმცა ამისთვის მნიშვნელოვანი ლოჯისტიკური პრობლემები უნდა გადაჭრას. ამის შესახებ Brazil Sugar Week-ის დარგობრივი კონფერენციის მონაწილეები საუბრობდნენ.
"რუსეთს შეუძლია, მსოფლიოში შაქრის ჭარხლის უმსხვილესი მწარმოებელი გახდეს", -ნათქვამია რუსეთის შაქრის მწარმოებელი კავშირის თავმჯდომარის ანდრეი ბოდინის საკონფერენციო ტექსტში, სადაც აღნიშნულია, რომ თეთრ შაქარზე დაბალი შიდა ფასები გაზრდის ექსპორტს ცენტრალური აზიის მეზობელ სახელმწიფოებში.
მისი თქმით, ამავე დროს, ამ მიზნის მისაღწევად საჭიროა მსხვილი ინვესტიციები, რათა მოხდეს შაქრის გადამუშავებისა და ტრანსპორტირებისათვის საჭირო სიმძლავრეების მოდერნიზაცია.
საკუთარი წარმოების ნედლეულით რუსეთის ფედერაციის ბაზრის შევსებასთან ერთად , ქვეყანამ შეამცირა საზღვარგარეთ შესყიდვები, რითაც აიძულა მსოფლიოში უდიდესი შაქრის მწარმოებელი - ბრაზილია, ორიენტირება აზიის ბაზრებზე გადაეტანა.
2011-2012 წლის სეზონზე შაქრის ჭარხლის წარმოება რუსეთში დაახლოებით 5 მილიონ ტონას შეადგენს- მიიჩნევს შვეიცარიის საკონსულტაციო კომპანია Kingsman SA.
2009-2011 წლებში შაქრის ჭარხლის ნათესების ფართობი 52 % გაიზარდა, მაშინ როცა 2010-2011 სამეურნეო წლებში გადამამუშავებელი სიმძლავრეები მხოლოდ 4%-ით გაიზარდა-განაცხადა ბოდინმა.