29-ნოემბრიდან 1 დეკემბრამდე ესპანეთში, ქალაქ ბარსელონაში MICE ტურიზმთან დაკავშირებული საერთაშორისო გამოფანა EIBTM გაიმართება. წელს პირველად, ტურიზმის ეროვნული სააგენტო, აჭარის ტურიზმის დეპარტამენტი და სხვადასხვა ტურისტული კომპანიები მონაწილეობას მიიღებს ამ გამოფენაში. EIBTM- ის ოფიციალურ ვებსაიტზე უკვე გამოქვეყნდა ინფორმაცია საქართველოს, როგორც MICE ტურიზმისათვის მეტად მიმზიდველი ქვეყნის შესახებ.
სტატიაში საუბარია ზოგადად ტურიზმის განვითარების კუთხით ჩატარებულ ისეთ ღონისძიებებზე, როგორიცაა ახალი სასტუმროებისა და საკონფერენციო დარბაზების მშენებლობა, ქვეყნის მასშტაბით ტურისტული ინფრასტრუქტურის მოწყობა, კურორტების განახლება და ა.შ განსაკუთრებითაა ხაზგასმული ქვეყანაში მსოფლიო ბრენდების - Radisson, Marriott, Sheraton და სხვა ცნობილი სასტუმროების მზადყოფნა საერთაშორისო ღონისძიებების ჩატარებისას ტარიფების ფასდაკლებასთან დაკავშირებით.
