დღეს, 28 ნოემბერს, 17.00 საათზე მერაბ ბერძენიშვილის სახელობის კულტურის საერთაშორისო ცენტრში „ მუზა" ( კუს ტბის გზაზე ) , ქართულ -ირანული ტურისტული კომპანია BEST AND FIRST GEORGIA ( ბესთ ენდ ფერსთ ჯორჯია ) პარტნიორ კომპანიებთან HANIEH TOURS ( ჰანიე ტურს) და FLY DUBAI ( ფლაი დუბაი) , საქართველოში მომქმედ 50 -მდე ტურისტული კომპანიისათვის პრეზენტაციას მართავს.
პრეზენტაციის ძირითადი მიზანია, საქართველოში არსებულ ტურისტულ კომპანიებს გააცნოს ახალი ტურისტული პაკეტები, რომელიც სამი ქვეყნის, საქართველოს, ირანის და გაერთიანებული ემირატების ტურისტული ინდუსტრიის დაახლოების შედეგად შეიქმნა.
ტურისტული პაკეტები განსაზღვრულია, როგორც საქართველოში შემომავალი ტურისტებისათვის, რომლებსაც BEST AND FIRST GEORGIA , 2011 წლის გაზაფხულიდან ემსახურება საქართველოში, ასევე ქართველი ტურისტებისათვის, რომლებსაც ეძლევათ საშუალება საუკეთესო პირობებით ისარგებლონ დუბაის და ირანის მიმართულებით.
პრეზენტაციას ირანის ელჩი მაჯიდ სამაზადე საბერ და ტურიზმის ეროვნული სააგენტოს თავმჯდომარე მაია სიდამონიძე დაესწრებიან .
„ჩვენი კომპანია უკვე გაზაფხულიდან ემსახურება ირანელ ტურისტებს, რომლებისთვისაც განსაკუთრებით საინტერესო საზღვაო კურორტები და აღმოსავლეთ საქართველო წარმოადგენდა. თუმცა ზამთრის სეზონის დადგომისთანავე განსაკუთრებულ აქტუალობას ბორჯომი, ბაკურიანი, მესტია და სვანეთი იძენს.
აქედან გამომდინარე გადავწყვიტეთ ირანის სალეჩოს დახმარებით უკეთ გავაცნოთ ირანელ ტურისტებს საქართველოს ტურისტული პოტენციალი.
გარდა ამისა, დღეს მოწვეული გვყავს საქართველოში მომქმედი ტურისტული კომპანიები, რომლებსაც გვინდა გავაცნოთ ჩვენი შეთავაზებები თეირანის, შირაზის და დუბაის მიმართულებით. დარწმუნებულები ვართო, რომ ტურისტული ნაკადის ზრდა სამივე მიმართულებით, განსაკუთრებით პოზიტიურ გავლენას მოახდენს ქართული ტურიზმის ეკონომიკის და საინვესტიციო გარემოზე.