რუსეთის პრემიერ-მინისტრმა ვლადიმერ პუტინმა დღეს გამართულ პარტია "ედინაია როსიას" ყრილობაზე ყველა მოუწოდა მიმდინარე წლის 4 დეკემბერს გასამართ დუმის არჩევნებში ხმა პარტია "ედინაია როსიას" მისცენ, რომლის სათავეში ახლანდელი პრეზიდენტი დიმიტრი მედვედევი დგას.
"მიმაჩნია, რომ ყველა საღად მოაზროვნე ადამიანი, რომელსაც საკუთარი თავისათვის, თავისი შვილებისათვის და რუსეთისათვის უკეთესი მომავალი უნდა, რუსეთის სახელმწიფო დუმის არჩევნებში, რომლებიც 4 დეკემბერს გაიმართება პარტია "ედინაია როსიას" დაუჭერს მხარს, რომლის საარჩევნო სიის სათავეში დიმიტრი მედვედევი დგას", - განაცხადა ვლადიმერ პუტინმა.
შეგახსენებთ, რომ რუსეთის პრემიერ-მინისტრმა ვლადმიერ პუტინმა "მადლიერებით" მიიღო თანაპარტიელების წინადადება კენჭი იყაროს 2012 წლის საპრეზიდენტო არჩევნებზე.
რუსეთის მმართველმა პარტიამ "ედიანაია როსიამ" დღეს მოსკოვში ლუჟნიკებში გამართულ ყრილობაზე, რომელსაც 11 ათასი დელეგატი ესწრებოდა, 2012 წლის 4 მარტს გასამართ საპრეზიდენტო არჩევნებზე ვლადიმერ პურინის კანდიდატურას ერთხმად დაუჭირა მხარი.
რუსეთის პრემირმა თანაპარტიელებს ნდობისთვის მადლობა გადაუხადა.
რუსეთის ფედერაციის პრეზიდენტის არჩევნები 2012 წლის 4 მარტს გაიმართება. შესაბამისი გადაწყვეტილება რუსეთის ფედერაციის საბჭომ მიიღო.
