26 ნოემბერს ქ. ლიუბლიანაში დაგეგმილია მე-18 საერთაშორისო საქველმოქმედო ბაზრობა. ღონისძიებაში მონაწილეობენ სლოვენიის რესპუბლიკაში აკრედიტებული დიპლომატიური მისიები. ამის შესახებ "ჯი-ეიჩ-ენს" სლოვენიაში საქართველოს დროებითმა რწმუნებულმა ალექსანდრე ჭკუასელმა აცნობა.
წელს საქველქმედო ბაზრობაზე მონაწილეობს მიიღებს 35 საელჩო, რომელთაც გასაყიდად წარმოდგენილი ექნებათ ეროვნული და ტრადიციული წარმოების პროდუქტი.
აღნიშნულ ღონისძიებაში წელს პირველად იღებს საქართველოს საელჩო მონაწილეობას. წარდგენილი იქნება საქართველოში წარმოებული სხვადასხვა სახის პროდუქცია. ღონისძიებას ოფიციალურად გახსნის სლოვენიის რესპუბლიკის პირველი ლედი, რომლის პარტრონაჟითაც იმართება აღნიშნული ბაზრობა.
