საქართველოს პრემიერ-მინისტრი ნიკოლოზ გილაური აცხადებს, რომ საერთაშორისო ინვესტორის ნდობა საქართველოსადმი ბევრად მაღალია, ვიდრე აღმოსავლეთ ევროპის ქვეყნებისადმი. ამის შესახებ განცხადება გილაურმა პარლამენტში გამართული პოლიტიკური დებატებისას გააკეთა.
გილაურის განცხადებით, საქართველოსადმი გაზრდილ ნდობაზე მეტყველებს ისიც, რომ "ჩვენი ევრობონდები უფრო კარგად ივაჭრება, ვიდრე აღმოსავლეთ ევროპის ქვეყნების ევრობონდები".
"ანუ ნდობა საერთაშორისო ინვესტორის მიერ ბევრად უფრო მაღალია საქართველოსადმი, ვიდრე აღმოსავლეთ ევროპის ქვეყნებისადმი, იმავე იტალიისა და თუნდაც საბერძნეთის მიმართ", - აცხადებს გილაური.
