სოსო ჯაჭვლიანი და ლუკა კურტანიძე ბიძინა ივანიშვილისთის მოქალაქეობის აღდგენის მოთხოვნით გელათიდან თბილისისკენ ფეხით მოემართებიან
პატრიარქის კურთხევით სოსო ჯაჭვლიანი და ელდარ კურტანიძე ბიძინა ივანიშვილის მოქალაქეობის აღდგენის მოთხოვნით გელათიდან თბილისისკენ ფეხით მოემართებიან. ამის შესახებ "ჯი-ეიჩ-ენს" თავად სოსო ჯაჭვლიანმა განუცხადა.
"ეს არავისთან შეგვითანხმებია და ვისაც სურვილი ექნება შემოგვიერთდება. ისეთ პატიოსან და კეთილ ადამიანს, როგორიც ბიძინა ივანიშვილია, არ შეიძლება მოქალაქეობა ჩამოერთვას იმის გამო, რომ მან პოლიტიკაში მოსვლა გადაწყვიტა. ჩვენ არჩევნებამდე მისთვის მოქალაქეობის აღდგენა უნდა მოვიგოთ", - განაცხადა ჯაჭვლიანმა "ჯი-ეიჩ-ენთან" საუბრისას.
ისინი ამ დროისთვის ქუთაისს უახლოევდებიან. მათი მსველობა 2 საათის წინ დაიწყო.
