აჭარაში ციტრუსის მოსავლის აღების სეზონი დაიწყო. 2 ათას 717 ტონა მანდარინი უკვე საექსპორტოდ გაიგზავნა, აქედან 147 ტონა უკრაინის ბაზარზე გავიდა.
აჭარის სოფლის მეურნეობის სამინისტროს ინფორმაციით, წელს რეგიონში 85 ათას ტონა მანდარინს ელოდებიან, აქედან 50 ათასს ქობულეთში, ხოლო 35 ათასს ხელვაჩაურში. უცხოურ ბაზარზე 70 ათას ტონამდე ციტრუსი გაიგზავნება. ძირითადი ექსპორტიორი ქვეყანა, ისევე როგორც გასულ წელს, ამჯერადაც უკრაინაა. ქართული მანდარინი სომხეთის, აზერბაიჯანის, შუა აზიისა და აღმოსავლეთ ევროპის ბაზარზეც გაიყიდება.
რაც შეეხება არასტანდარტულ მანდარინს, მის რეალიზებას შპს "ციტრო" უზრუნველყოფს. ასევე, რამდენიმე დღეში,უკრაინული ინვესტიციით ქობულეთში ცისტრუსის გადამამუშავებელი ფაბრიკაც ამოქმედდება, სადაც 10 ათას ტონამდე ნაყოფს მიიღებენ.
