მეცნიერები აივ ინფექციის ახალ სახეობაზე ალაპარაკდნენ. საქმე ეხება ვირუსის სახეობას, რომელიც ამ დრომდე მხოლოდ კამერუნში მოსახლეობის უმნიშვნელო ნაწილში ფიქსირდებოდა.
მეცნიერები აცხადებენ, რომ ვირუსმა გავრცელება დაიწყო.
სამედიცინო ჟურნალ „ლანცეტში" გამოქვეყნებულ მოხსენებაში აღნიშნულია, რომ ერთ პაციენტს საფრანგეთის კლინიკაში აღმოჩნდა „N ჯგუფის" ვირუსის შტამი. მამაკაცი, სავარაუდოდ, ტოგოში სექსუალური პარტნიორსგან დაინფიცირდა.
ამჟამად მიმდინარეობს დაინფიცირებული მამაკაცის სექსუალური პარტნიორების მოძიება და მათი მდგომარეობის შესწავლა.
გამოცემა აღნიშნავს, რომ ამ დრომდე აღნიშნული შტამის მატარებელი კამერუნში ათამდე ადამიანი იყო.
მეცნიერები მოითხოვენ აივ ინფექცებზე მკაცრი მონიტორინგის დაწესებას.
