ცხრა ინტერნეტკორპორაცია - Google, Facebook-ი, Yahoo, Twitter-ი, Mozilla, eBAy, LinkedIn-ი, AOL-ი, Zynga - კატეგორიულად წინააღმდეგია ინტერნეტმეკობრეობის და IP მისამართების დაცვის კანონის მიღებისა. საკუთარი პოზიციის გასამყარებლად მათ გაზეთ New York Times-ში ერთგვერდიანი განცხადება გამოქვეყნეს.
ამ ორ კანონპროექტს მნიშვნელოვანი მხარდაჭერა აქვს კონგრესში, ასევე აშშ-ის კინოკომპანიების ასოციაციებისა და ჰოლივუდის სხვადასხვა ორგანიზაციის მხრიდან.
თუ ეს კანონები იქნება მიღებული, ინტერნეტკომპანიებსა და პროვაიდერებს მოუწევთ იმ საიტებზე შეღწევის ბლოკირება, რომლით სარგებლობა, გასართობი ინდუსტრიის წარმომადგენელთა აზრით, საავტორო უფლებების დარღვევას გულისხმობს.
ისინი მიიჩნევენ, რომ თუ ეს კანონები ძალაში შევა, მაშინ ინტერნეტსივრცეში უდიდესი ცენზურა დაწესდება და ამ ცენზურის განხორციელება სწორედ ინტერნეტკორპორაციებს მოუწევთ.
