„ქრისტიან-დემოკრატიული მოძრაობის" ლიდერები ჯანდაცვის სფეროში მომუშავე არასამთავრობო სექტორის წარმომადგენლებს შეხვდნენ. შეხვედრაზე განიხილეს ჯანდაცვის სფეროში არსებული ხარვეზები, რასაც ქრისტიან-დემოკრატები სამთავრობო საათის დროს ჯანდაცვის მინისტრრს პირადად გააცნობენ. საუბარი იყო იმ სტრატეგიაზე, რომლიც მთავრობამ დაახლოებით ორი კვირის წინ წარმოადგინა. არასამთავრობო სექტორის წარმომადგენლების განცხადებით აღნიშნული სტარტეგია არ არის დამაკმაყოფილებელი.
„ჯანდაცვის მინისტრთან გვაქვს კონკრეტული შეკითხვები, რომელიც ეხება საპენსიო რეფორმას, დაზღვევას, ჯანდაცვის სისტემის დაფინანსების სიმცირესა და დეფიციტურობას. არასამთავრობო სექტორთან შეხვედრა იყო ძალიან მნიშვნელოვანი და ჩვენ ვეცდებით სრულად წარმოვადგინოთ მათ მიერ დაყენებული საკითხები" - განაცხადა მაგდა ანიკაშვილმა.