პარლამენტის ბიუროს დღევანდელ სხდომაზე ფრაქცია "ერთობა სამართლიანობისთვის" წევრმა ჯონდი ბაღათურიამ რეგლამენტის მუხლის მოშველიება სცადა და მოითხოვა, რომ პოლიტიკური დებატების დროს 30- წუთიანი გამოსვლის საშუალება მიეცათ.
ბაქარაძემ ბაღათურიას უთხრა, რომ რეგლამენტის წაკითხვა კარგია, რადგან იქ ბევრი სასარგებლო რაღაც წერია და ბაღათურიას განუმარტა, რომ 30-წუთიანი გამოსვლა პოლიტიკურ დებატების ფორმატს არ შეეხება.
პარლამენტის თავმჯდომარის განმარტებით, პოლიტიკური დებატების დროს ფრაქციას 15-წუთიანი გამოსვლა შეუძლია. ამ განმარტების შემდეგ ბაღათურია მაინც 30-წუთიან გამოსვლას მოითხოვდა, წინააღმდეგ შემთხვევაში, "სპექტაკლში მონაწილეობის არ მიღებას" გეგმავდა.
"არ მიიღებთ მონაწილეობას და ნუ მიიღებთ", - მიმართა ბაქრაძემ ბაღათურიას.
პარლამენტის თავმჯდომარემ ბაღათურია ბიუროს სხდომაზე მყოფ იურიდიული დეპარტამენტის თავმჯდომარე ალეკო ტაბატაძესთან გადაამისამართა, რადგან რეგლამენტში არსებულ სამართლებრივი საკითხი მასთან გაერკვია. ბიუროს დარბაზში რამდენიმე წუთიანი კონსულტაციის შემდეგ ბაღათურია საკუთარ ადგილას კმაყოფილი დაბრუნდა. რაზეც ბაქრაძემ იხუმრა: ტაბატაძესთან კონსულტაციების შემდეგ ასეთი კმაყოფილი არავინ ახსოვს.
საბოლოოდ, ფრაქციას პოლიტიკური დებატების დროს 15-წუთიანი გამოსვლის საშუალება ექნება.
