ყაბარდო ბალყარეთის დედაქალაქ ნალჩიკში ბრძოლები მიმდინარეობს. რუსული მედიის ინფორმაციით, დღეს დილიდან სამართალდამცავებმა ქალაქში კონტრტერორისტული ოპერაციის რეჟიმი შემოიღეს.
სროლები მიმდინარეობს სამართალდამცავებსა და ბოევიკებს შორის, რომელბიც სავარაუდოდ, ქალაქის ერთ-ერთ უბანში არიან გამაგრებულები.
ამ დროისთვის ოფიციალური ინფორმაცია დაღუპულებისა და დაჭრილების შესახებ არ ვრცელდება.
უნდა აღინიშნოს, რომ კონტრტერორისტული ოპერაციის რეჟიმი ასევე შემოღებულია რესპუბლიკის ჩეგმსკის რაიონში. აქ არსებული მდგომარეობის შესახებ კონკრეტული ინფორმაცია ჯერ-ჯერობით არ არსებობს.
