საქართველოს საგარეო საქმეთა მინისტრის მოადგილე სერგი კაპანაძემ საქართველოში აკრედიტირებული ქვეყნების დიპლომატიური წარმომადგენლობების ხელმძღვანელებს რუსეთის ვმო-ში გაწევრიანების შესახებ საქართველო-რუსეთს შორის მიღწეული შეთანხმება გააცნო. როგორც საქართველოს საგარეო საქმეთა სამინისტრო იუწყება, შეხვედრაზე მხარეებმა განიხილეს საქართველოსა და რუსეთის ფედერაციას შორის ხელმოწერილი დოკუმენტების პაკეტი და აღნიშნულ ორ ქვეყანას შორის საბაჟო ადმინისტრირებისა და სასაქონლო ბრუნვის მონიტორინგის მექანიზმთან დაკავშირებული ძირითადი საკითხები.
