ევროსაბჭოს საპარლამენტო ასამბლეის თანამომხსენებლები საქართველოს მონიტორინგის საკითხებში მაიკლ იენსენი და კასტრიოტ ისლამი ე.წ. სამხრეთ ოსეთში ჩატარებულ ე.წ. საპრეზიდენტო არჩევნებს არ აღიარებენ და აცხადებენ, რომ ამ არჩევნების ჩასატარებლად არავითარი საფუძველი არ არსებობდა. ინფორმაცია ამის შესახებ ასამბლეის მიერ გავრცლებულ განცხადებაშია ნათქვამი.
ევროსაბჭოს საპარლამენტო ასამბლეის მის გავრცელებულ განცხადებაში ასევე ნათქვამია, რომ თანამომხსენებლები არ აღიარებენ "იმ არჩევნების ლეგიტიმურობას, რომლებიც ახლახავს ე.წ. სამხრეთ ოსეთში ჩატარდა და კვლავ ადასტურებენ, რომ მხარს უჭერენ და აღიარებენ საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში".
"საქართველოს სეპარატისტული რეგიონების აფხაზეთისა და სამხრეთ ოსეთის მიერ დამოუკიდებლობის ცალმხრივად გამოცხადება, საერთაშორისო სამართლის მიხედვით უკანონოა. ამიტომაც ამ არჩევნებისათვის არავითარი არც იურიდიული და არც კონსტიტუციური საფუძველი არ არსებობს", _ აცხადებენ თანამომხსენებლები.
ამასთან ერთად, ისინი ხაზგასმით აღნიშნავენ, რომ "20 ათასზე მეტი იძულების გადაადგილებული ქართველიდან არც ერთს არ ჰქონდა უფლება მონაწილეობა მიეღო ხმის მიცემუ პროცედურაში.
