საქართველოში სტუმრად მყოფი ეგვიპტური მედიის წარმომადგენლები საქართველოს პრეზიდენტ მიხეილ სააკაშვილს შეხვდნენ.
ქვეყნის წამყვანი გაზეთებისა და სახელმწიფო არხის ჟურნალისტები ქვეყანაში გატარებული წარმატებული რეფორმებით, დემოკრატიული ცვლილებებითა და ვარდების რევოლუციის შემდეგ გატარებული რეფორმების მოდელით დაინტერესდნენ.
ეგვიპტელი ჟურნალისტები რამდენიმე დღეა, საქართველოს სტუმრობენ. მათი ვიზიტის მთავარი მიზანია, ადგილზე გაეცნონ საქართველოს გამოცდილებას და გატარებული რეფორმების შედეგებს. საქართველოში ვიზიტის ფარგლებში ეგვიპტური მედიის წარმომადგენლები სხვადასხვა სახელმწიფო უწყების პირველ პირებსაც შეხვდნენ.
