23 ნოემბერს ქობულეთში, აღმაშენებლის ქუჩაზე, #358-#141 მონაკვეთზე, ველომარათონი გაიმართება, რომელშიც მონაწილეობას მიიღებენ სამი ასაკობრივი ჯგუფის მოყვარული ველოსპორტსმენები, შეჯიბრებას მსაჯებით და ტექნიკური პერსონალით უზრუნველყოფს ქობულეთის კომპლექსური სასპორტო სკოლა.
ამარჯვებულებს გადაეცემათ ფასიანი საჩუქრები. პირველ ადგილზე გასულ სპორტსმენს გადაეცემა ველოსიპედი. მარათონი მიზნად ისახავს ველოსპორტის პოპულარიზაციას ქობულეთში და მოსწავლე ახალგაზრდებს შორის ცხოვრების ჯანსაღი წესის დამკვიდრებას.
მარათონი ქობულეთის მუნიციპალიტეტის გამგეობის მხარდაჭერით და ქობულეთის მუნიციპალიტეტის გამგეობის კულტურის, განათლების, სპორტის, ტურიზმის, ახალგაზრდულ საქმეთა და ძეგლთა დაცვის სამსახურის ორგანიზებით გაიმართება.
