დღეს, 6 ნომებერს, პროფესორი ნესტან კირთაძე ბიძინა ივანიშვილს შეხვდა.
შეხვედრაზე კირთაძემ და ივანიშვილმა ქვყანაში არსებული ვითარებისა და თანამშრომლობის გეგმების შესახებ იმსჯელეს.
როგორც „ჯი-ეიჩ-ენს" კირთაძემ განუცხადა, შეხვედრა მეგობრულ და უაღრესად საქმიან ვითარებაში წარიმართა.
„ჩვენი პირველი შეხვედრა გაცნობითი შეხვედრა იყო, სადაც ჩვენ ერთმანეთს დავუდასტურეთ ურთიერთპატივისცემა და თანამოაზრეობის დონეზე გამოვკვეთეთ ჩვენი ხედვები მიმდინარე და სამომავლო პოლიტიკურ საკითხებზე . ჩვენ შევთანხმდით, რომ ჩავატარებთ თავისუფალ და დამოკრატიულ არჩევნებს და შევცვლით მიხეილ სააკაშვილის რეჟიმს" , - განაცხადა კირთაძემ.
მისივე თქმით, საუბარი შეეხო მათი თანამშრომლობის ფორმებსაც.
„შეხვედრამ დაადასტურა, რომ ჩვენს შორის სრული თანხვედრაა ყველა ღირებულებით, იდეოლოგიურ და სტრატეგიულ პოლიტიკურ საკითხებთან დაკავშირებით, რომელიც ჩვენი სამშობლოს და ჩვენი ხალხის ღირსეულ ხვალინდელ დღეს უკავშირდება", - განუცხადა „ჯი-ეიჩ-ენს" კირთაძემ.
შეხვედრის დასრულების შემდეგ პროფესორმა ნესტან კირთაძემ ბიძინა ივანიშვილს საუკუნის წიგნი - „ნათელი ქრისტესი. საქართველო" უსახსოვრა.