რუსეთსა და საქართველოს შორის შეთანხმება რუსეთის ვაჭრობის მსოფლიო ორგანიზაციაში გაწევრიანების შესახებ ოფიციალურად "მომდევნო კვირას გაფორმდება" განცხადება ამის შესახებ მოლაპარაკებებზე ქართული დელეგაციის ხელმძღვანელმა სერგი კაპანაძემ ჟენევაში გააკეთა.
"საქართველოსა და რუსეთს შორის მოლაპარაკებები პრაქტიკულად დასრულებულია, შვეიცარიული მხარის მიერ წარმოდგენილ წინადადებას ორივე მხარე დათანხმდა და მასში არავითარი შესწორება არ შესულა. მომდევნო კვირას შეთანხმება ოფიციალურად გაფორმდება და რუსეთის ვაჭრობის მსოფლიო ორგანიზაციაში გაწევრიანებისთანავე მოქმედებას დაიწყებს", _ განაცხადა კაპანაძემ და აღნიშნა, რომ დოკუმენტის ტექსტი მეტი აღარ შეიცვლება.
მისივე თქმით, მომდევნო კვირას შვეიცარიული მხარე "ამოარჩევს კერძო კომპანიას და მისთვის მანდატს განსაზღვრავს, რომლის შესაბამისადაც ეს კომპანია რუსეთსა და საქართველოს შორის არსებულ სავაჭრო დერეფნებში მონიტორინგის განხორციელებას დაიწყებს".
აღსანიშმავია, რომ სავაჭრო დერეფნების მონიტორინგი რუსეთსა და საქართველოს შორის შვეიცარიის ეგიდის ქვეშ წარიმართება.
