საქართველოს პარლამენტის თავმჯდომარე დავით ბაქრაძე ამერიკის შეერთებულ შტატებში ჰარვარდის უნივერსიტეტის კენედის მმართველობის სკოლას ესტუმრა, სადაც წაიკითხა ლექცია თემაზე : "ქართული რეფორმები - წარმატების ფორმულა". ლექციის მსვლელობისას დავით ბაქრაძემ ვრცლად მიმოიხილა საქართველოში მიმდინარე და განხორციელებული რეფორმები.
მან ყურადღება გაამახვილა პოლიტიკურ და ეკონომიკურ სფეროებში ჩატარებული რეფორმების შედეგებზე და ქვეყნის განვითრების მომავალ პერსპექტივებზე. ლექციის დამთავრების შემდეგ, საქართველოს პარლამენტის თავმჯდომარემ ჰარვარდის უნივერსიტეტის სტუდენტების შეკითხვებს უპასუხა.
დავით ბაქრაძე ამერიკის შეერთებულ შტატებში სამუშაო ვიზიტის ფარგლებში მასობრივი საინფორმაციო საშუალებების წარმომადგენლებსაც შეხვდა: "მსოფლიო ფოსტა"- სენიორ კეისს, მთავარ რედაქტორს ევროპის ეკონომიკის, ბიზნესისა და უსაფრთხოების მიმართულებით; "ვაშინგტონ ტაიმსი" - ბენ ბირნბაუმს და "ქრისტიანული მეცნიერების მონიტორი" - კლეიტონ ჯონსს და მათ კითხვებს უპასუხა.
