ქართული დელეგაციის ვიზიტი გერმანიაში დასრულდა. როგორც კონტროლის პალატაში განმარტავენ, რომ ქართული დელეგაციას გერმანიაში კონტროლის პალატის თავმჯდომარე, ლევან ბეჟაშვილი ხელმძღვანელობდა. ვიზიტის მიზანი იყო გერმანიის საანგარიშო პალატის საკანონმდებლო და აღმასრულებელ ხელისუფლებასთან ურთიერთობის გამოცდილების გაზიარება.
ვიზიტის ფარგლებში შეხვედრები გაიმართა გერმანიის ბუნდესტაგის საბიუჯეტო და აუდიტის კომიტეტებში, აგრეთვე ფედერალური საანგარიშო პალატის ბერლინის ბიუროსა და ჰამბურგის ფედერალური საანგარიშო პალატის აუდიტის სამმართველოში, საანგარიშო პალატასა და საფინანსო სამსახურში. შეხვედრებისას განხილულ იქნა შემდეგი თემები: ბიუჯეტის კონტროლი საანგარიშო პალატისა და პარლამენტის თანამშრომლობის ფარგლებში, დამოუკიდებელი კონტროლის განხორციელების სამართლებრივი საფუძვლები და ინსტიტუციონალური პროცედურები, საანგარიშო პალატის მონაწილეობა საბიუჯეტო ციკლის სხვადასხვა ფაზაში, პროგრამული ბიუჯეტის რეფორმა და მისი დანერგვა, საანგარიშო პალატის როლი აღნიშნულ რეფორმებში.
მასალის გამოყენების პირობები
