საქართველოში ოფიციალური ვიზიტით ჰოლანდიის ფინანსთა სამინისტროს დელეგაცია იმყოფება. დელეგაციას ჰოლანდიის ფისკალური ინფორმაციისა და საგამოძიებო სამსახურის (FIOD) დირექტორი ჰანს ვან დერ ვლისტი ხელმძღვანელობს. საქართველოს ფინანსთა სამინისტროს საგამოძიებო სამსახურის ხელმძღვანელი პირები დღეს ჰოლანდიელ კოლეგებს შეხვდნენ.
ჰოლანდიისა და საქართველოს საგამოძიებო სამსახურების პირველმა პირებმა შეხვედრაზე განიხილეს ორი ქვეყნის ანალოგიური სამსახურების ფუნქციონირების პრიორიტეტულ მიმართულებები, ისაუბრეს საგამოძიებო და ოპერატიულ საქმიანობაში ინფორმაციის ურთიერთგაცვლის მნიშვნელობაზე და თანამშრომლობის ფარგლებში საერთო ინტერესების სფეროების განსაზღვრაზე, ეკონომიკურ დანაშაულთან ბრძოლაში სამართალდამცავ სამსახურებს შორის კოორდინაციასა და ანალიტიკური ტექნოლოგიების გამოყენების შესახებ. შეხვედრაზე ჰოლანდიის და საქართველოს საგამოძიებო სამსახურების წარმომადგენლების მიერ ერთობლივად შემუშავდა მომავალი თანამშომლობის კონკრეტული გეგმები.
ჰოლანდიელი სტუმრების პირველი ვიზიტი საქართველოში ორ დღეს გაგრძელდება.
