. დღეს, 31 ოქტომბერს, 15:00 საათზე საქართველოს პარლამენტის შენობის წინ 14 არასამთავრობო ორგანიზაცია მართავს ერთობლივ აქციას "ჩვენ 99% ვართ". როგორც აქციის ორგანიზატორები აცხდებენ, ისინი ამ აქციით გამოხატავენ პროტესტს ყველა იმ ტერორის, ეკონომიკური წნეხისა და უსამართლობის წინააღმდეგ , რომელსაც მათი თქმით, ხელისუფლება ახორციელებს საკუთარი მოქალაქეების 99%-ის წინააღმდეგ.
"აღნიშნული აქცია იქნება მსხვილი საზოგადოებრივი მოძრაობის დასაწყისი. მოძრაობის მიზანია, წინ წამოწიოს ყველაზე პრობლემური საზოგადოებრივი საკითხები. ამასთან მოძრაობა, - "ჩვენ 99% ვართ", ახსენებს ხელისუფლებას, რომ მოძრაობის წევრების მიერ წამოწეული პრობლემების გადაწყვეტა, არის სახელმწიფოს კომპეტენცია. მოძრაობის წევრები ვახსენებრ სახელმწიფო ჩინოვნიკებს, რომ სახელმწიფო არის ე.წ. ხელშეკრულება-შეთანხმება, რომელიც იდება მოქალაქეებსა და სახელისუფლებო ჩინოვნიკებს შორის. მოქალაქეები უხდიან ჩინოვნიკებს ხელფასს, ხოლო ჩინოვნიკები ემსახურებიან მოქალაქეებს", - აცხადებენ ორგანიზატორები და აღნიშნავენ, რომ საქართველოში, სახელმწიფომ დაკარგა თავისი იდეური ფუნქცია, სახელმწიფო ხელისუფლების სახით არ იცავს საკუთარ მოქალაქეებს და ვერ უზრუნველყოფს საზოგადოების ნორმალურ, თანამედროვე გამოწვევევის შესაბამის განვითარებას.
"მოძრაობის იდეის ქვეშ გაერთიანებული ორგანიზაციები, მათი სამუშაო სპეციფიკიდან გამომდინარე აყენებს პრობლემებს, ამ პრობლემების გადაწყვეტაზე პასუხისმგებლობა უნდა აიღოს ხელისუფლებამ. ჩვენი პოზიციით, ქართული საზოგადოება რეალურად გაიყო ორ ნაწილად, ერთ მხარეს დგას მოქალაქეების 99%, რომელთა წინაშე გაჩენილი პრობლემები, ბარიერის მიღმა დარჩენილი 1%-ის უპასუხისმგებლობითა და თავნებობით არის გამოწვეული.
ჩვენ ვართ 99% - არ უნდა დავუშვათ, ჩვენი ინტერესები 1%-მა შეიწიროს", - ნათქვამია ორგანიზატორების მიერ გავრცელებულ პრესრელიზში.
