დნესტრისპირეთის თვითგამოცხადებული რესპუბლიკის ე.წ. პრეზიდენტის იგორ სმირნოვის ვაჟი რუსეთის ფედერაციის მიერ ამ ე.წ. რესპუბლიკისთვის გამოყოფილი 160 მილიონი რუბლის ღირებულების ჰუმანიტარული დახმარების დატაცების საქმეში ფიგურირებს. ინფორმაციას ამის შესახებ რუსული მედია სამართალდამცავ ორგანოებში არსებულ წყაროზრ დაყრდნობით ავრცელებს.
"დატაცებაში ეჭვმიტანილი ოლეგ სმირნოვი დნესტრისპირეთის რესპუბლიკის ხელმძღვანეის ვაჟია", _ განაცხადა წყარომ.
აღსანიშნავია, რომ რუსეთის გენპროკურატურის საგამოძიებო კომიტეტის წარმომადგენელმა ვლადიმერ მარკინმა განაცხადა, რომ რუსეთის ფედერაციამ დნესტრისპირელი ბანკირების მიმართ სისხლის სამართლის საქმე აღძრა რუსეთის ფედერაციის მიერ 160 მილიონი რუბლის ღირებულების ჰუმანიტარული დახმარების დატაცების საქმესთან დაკავშირებით. მისი თქმით, სისხლის სამართლის საქმე აღძრულია დნესტრისპირეთის ე.წ. რესპუბლიკური ბანკის თავმჯდომარის მოადგილის ოლეგ ბლიზიცკის, ოლეგ სმირნოვისა და სხვა პირთა მიმართ.