მიხეილ მაჭავარიანმა პარლამენტის სხდომაზე გამოსვლისას აშშ-ის პრეზიდენტი რონალდ რეიგანი გაიხსენა, რომელმაც იკითხა: 4 წლის წინ უკეთესი იყო ამერიკა თუ დღეს?

აღნიშნული მაგალითი მაჭავარიანმა მას შემდეგ მოიყვანა, რაც
"ქრისტიან-დემოკრატმა" ბიუჯეტის პროექტი გააკრიტიკეს და მას ანტიხალხური უწოდეს.

მიხეილ მაჭავარიანმა ამ მაგალითის გაზიარება ურჩია საპარლამენტო უმცირესობას და სთხოვა, გააცნობიერონ, რამდენად განსხვავდება დღევანდელი ვითარება 4 წლის წინ არსებული სიტუაციისგან.

მისივე თქმით, დღეს განვითარებულია ინფრასტრუქტურა, პროგრესია სადაზღვევო სისტემაში, მათ შორის ჯანდაცვის სისტემაში .

"ჩვენ წინ მივდივართ, მიუხედავად პრობლემებისა", - განაცხადა მიხეილ მაჭავარიანმა. მისივე აზრით, 2012 წლის ბიუჯეტი პროგრესის ბიუჯეტია.
მისივე თქმით, კრიტიკა მოსმენადია, მაგრამ კარგი იქნება, თუ ხელისუფლებას კრიტიკის ნაცვლად ოპოზიცია პრობლემის მოგვარების გზას აჩვენებს.