პარლამენტის ადამიანის უფლებათა დაცვის კომიტეტის ხელმძღვანელები გლდანის მერვე სასჯელაღსრულების დაწესებულებაში იმყოფებოდნენ.
ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ლაშა თორდია და კომიტეტის თავმჯდომარის პირველი მოადგილე ეკატერინე ხერხეულიძე პენიტენციური სისტემის მონიტორინგის მიზნით გლდანის მერვე სასჯელაღსრულების დაწესებულებაში იმყოფებოდნენ.
პენიტენციური სისტემის ჯანდაცვის რეფორმის ფარგლებში ყველა დაწესებულებაში ე.წ. "წამლის სამარაგოებს" ჯანდაცვის სამინისტროს სტანდარტების შესაბამისობაში მოყვანილი აფთიაქები სექტემბრის ბოლოს ჩაანაცვლებს, დღეისათვის კი სისტემაში უკვე 14 ლიცენზირებული აფთიაქი ფუნქციონირებს.
"პენიტენციურ სისტემაში უკვე 14 ლიცენზირებული აფთიაქია, რომელიც აკმაყოფილებს ჯანდაცვის სამინისტროს მიერ დადგენილ სტანდარტებს. პატიმარს საშუალება ეძლევა მიიღოს სრულფასოვანი მკურნალობა და შესაბამისი მედიკამენტი, რომელიც სჭირდება მას", - განაცხადა ლაშა თორდიამ.
