"ქრისტიან-დემოკრატიული მოძრობა" 2012 წელს "აღმოსავლეთ ევროპის ქრისტიან-დემოკრატთა ასოციაციის" თავმჯდომარე პარტია გახდება. ეს გადაწყვეტილება "აღმოსავლეთ ევროპის ქრისტიან-დემოკრატთა" ყრილობამ მიიღო. ყოველწლიური ყრილობა მოდლოვის დედაქალაქ კიშინოვში გაიმართა, რომელსაც ქართველი "ქრისტიან- დემოკრატების" მხრიდან პარტიის საერთაშორისო მდივანი გიორგი რუხაძე ესწრებოდა. მან საქართველოში მიმდინარე პოლიტიკურ მოვლენებზე, გამოწვევებებსა და პრობლემების მოგვარების იმ ხედვაზე ისაუბრა, რომელსაც საქართველოს მოსახლეობას გიორგი თარგამაძის პოლიტიკური გუნდი სთავაზობს.
"აღმოსავლეთ ევროპის ქრისტიან-დემოკრტთა ასოციაციაში", რომელიც 2008 წელს კიევში დაფუძნდა, ქართველი "ქრისტიან-დემოკრატებთან" ერთად ლატვიელი, ესტონელი, უკრაინელი, სომეხი, მოლდოველი, რუსი და ბელორუსი "ქრისტიან-დემოკრატები" შედიან.