"ერთობა სამართლიანობისთვის" 26 მაისის და 7 ნოემბრის მიტინგების დარბევის შემსწავლელ დროებით საგამოძიებო კომისიის შექმნას მოითხოვს. სათანადო წერილობითი დასაბუთება ფრაქციამ პარლამენტის თავმჯდომარეს დავით ბაქრაძეს უკვე გაუგზავნა.
ფრაცქია ითხოვს 28 ოქტომბერს პარლამენტის სესიის დღის წესრიგში შევიდეს და კენჭისყრაზე დადგეს დროებითი საგამოძიებო კომისიის შექმნის საკითხი.
"ჩვენ რა თქმა უნდა, არ ვფიქრობთ რომ ის ადამიანები, რომლებმაც სისხლიანი კალო მოაწყვეს 2007 წლის 7 ნოემბერს და 2011 წლის 26 მაისს ახლა გაბედავენ და კომისიის შექმნას მხარს დაუჭერენ, მაგრამ ამის მიუხედავად, ჩვენ ვალდებული ვართ ეს საკითხი დღის წესრიგში დავაყენოთ და გავიგოთ უმრავლესობის და ე.წ. უმცირესობის პოზიცია", - განაცხადა ჟურნალისტებთან საუბარში ფრაქციის თავმჯდომარემ გიორგი ცაგარეიშვილმა.
