2010 წლის განმავლობაში, საწარმოებში დასაქმებულთა მთლიანმა რაოდენობამ 397.8 ათასი კაცი შეადგინა, რომელთაგან
39.0 პროცენტი ქალია, ხოლო 61პროცენტი - კაცი.
"საქსტატში" აცხადებენ, რომ დასაქმებულთა მთლიანი რაოდენობა საწარმოს ზომის მიხედვით შემდეგნაირად ნაწილდება: მსხვილი ბიზნესი - 56.4 პროცენტი, საშუალო ბიზნესი - 23.1 პროცენტი, და მცირე ბიზნესი - 20.5 პროცენტი.
მსგავსი ტენდენციაა ცალკეული სქესის მიხედვით დასაქმებულთა მთლიანი რაოდენობის საწარმოს ზომის მიხედვით განაწილებაშიც:
ქალები - მსხვილი ბიზნესი - 51.2 პროცენტი, საშუალო ბიზნესი - 27.5 პროცენტი, და მცირე ბიზნესი - 21.3 პროცენტი.
კაცები - მსხვილი ბიზნესი - 59.7 პროცენტი, საშუალო ბიზნესი - 20.3 პროცენტი, და მცირე ბიზნესი - 19.9 პროცენტი.
შეგახსენებთ, რომ ოფიციალურად დეკლარირებული მონაცემებით, 2010 წელს საწარმოთა მთლიანმა ბრუნვამ 24.4, ხოლო პროდუქციის მთლიანმა გამოშვებამ - 13.3 მილიარდი ლარი შეადგინა.
"საქსტატის" ინფორმაციით, მთლიანი ბრუნვა საწარმოს ზომის მიხედვით შემდეგნაირად ნაწილდება: მსხვილი ბიზნესი - 83.9 პროცენტი, საშუალო ბიზნესი - 9.6 პროცენტი და მცირე ბიზნესი - 6.5 პროცენტი.
სტატისტიკის ეროვნულ სამსახურში აცხადებენ, რომ ოდნავ განსხვავებული მდგომარეობაა პროდუქციის მთლიანი გამოშვების შემთხვევაში: მსხვილი ბიზნესი - 81.6 პროცენტი, საშუალო ბიზნესი - 11 პროცენტი და მცირე ბიზნესი - 7.4 პროცენტი.
მასალის გამოყენების პირობები