„სკოლა ეს არის საგანმანათლებლო დაწესებულება, განათლების მაღალ ხარისხზე საუბარიც კი ზედმეტია თუ სკოლაში არ არის დისციპლინა, 53-ე სკოლაში და იმედია მთელ საქართველოს სკოლებში არ ისწავლაინ ისეთი ახალგაზრდები რომლებთაც ახასიათებთ ძველბიჭური და ქურდილი მენტალიტეტი. საქართველო არის განვითარების იმ ფაზაში რომ საბედნიეროდ, ასეთი მენტალობა არის აღმოფხვრილი. ჩვენ უზრუნველყოფთ განათლების მაღალ ხარისხს, რომელიც დისციპლინაზე გადის", - განაცხადა 53-ე საჯარო სკოლის დირექტორმა, ტატო შავიშვილმა საგანგებო პრესკონფერენციაზე, რომელიც დღეს სკოლის წინ შეკრებილ მოსწავლეების და მშობლების საპროტესტო აქციას პასუხობს.
შეგახსენებთ, რომ 53-ე საჯარო სკოლაში მე-11 კლასელები პროტესტის ნიშნად გაკვეთილებს დღეს დილიდან არ ესწრებიან. ისინი სკოლის შენობის წინ არიან შეკრებილები და დირექტორისგან სისხლის სამართლის საქმის შეწყვეტას მოითხოვენ, რომელიც მათი თანაკლასელის მიმართ არის აღძრული.
ცნობისთვის, სისხლისამართლის საქმეა 2 მოსწავლეზე ირაკლი მჭედლიშვილი და მიხეილ ალექსიძეზეა აღძრული. როგორც მოსწავლეები აცხადებენ თავდაპირველად ირაკლი მჭედლიშვილის გარიცხვა მოხდა სკოლიდან, სკოლის დირექტორი კი კონკრეტულ მიზეზს ვერ ასახელებს. რის შემდეგაც მეორე მოსწავლემ მიხეილ ალექსიძემ დირექტორს სთოვა არ გაერიცხა თავისი კლასელი, რაზეც ავტომატურად გაირიცხა მიხეილიც.
სკოლის დირექტორი, ტატო შავშიშვილი 2 კვირის წინ დანიშნეს.
