მსახიობ, რამაზ ჩხიკვაძის გარდაცვალებასთან დაკავშირებით გავრცელებული ინფორმაცია მცდარი აღმოჩნდა. როგორც „ჯი-ეიჩ-ენს" მსახიობის ოჯახის ახლობელმა, მაკა საჯაიამ განუცხადა, აღნიშნული ინფორმაცია არასწორად გავრცელდა.
„ჟურნალისტმა დარეკა და იკითხა რამაზი. ის ძალიან ცუდად არის და ვერ დაელაპარაკა, რატომღაც ჟურნალისტმა გადაწყვიტა, რომ ის გარდაიცვალა. ეს მცდარია. ოჯახის ახლობლები და რამაზის მეგობრები ძალიან ცუდ სიტუაციაში აღმოჩნდნენ. ის ცოცხალია, მაგრამ მისი ჯანმრთელობის მდგომარეობა ძალიან მძიმეა", - განუცხადა „ჯი-ეიჩ-ენს" საჯაიამ.
ცნობისთვის, რამაზ ჩხიკვაძეს რამდენიმე თვის წინ მეუღლე, ნატაშა ჩხიკვაძე გარდაეცვალა. როგორც ჩვენთვის გახდა ცნობილი მსახიობის ჯანმრთელობის მდგომარეობა ამის შემდეგ გაუარესდა.
