ივანიშვილს შურისძიებაზე მეტად თითქოს იმედგაცრუება ამოძრავებს, - ამის შესახებ წერს გამოცემა The Economist სტატიაში - "თბილისის გრაფ მონტე კრისტო".
სტატუიაში განხილულია ივანიშვილის პოლიტიკაში მოსვლა და და ბიზნესმენის მიერ დაფინანსებულ პროექტები.
"ბ-ნი ივანიშვილი ამტკიცებს, რომ პრეზიდენტმა ხელისუფლების ტოტალური მონოპოლიზება მოახდინა, განამტკიცა რა ის მორჩილი „ფსევდო-ოპოზიციითა" და მედიის კონტროლით. ის აცხადებს, რომ ბ-ნი სააკაშვილი საქართველოს კერძო ბიზნესს საგადასახადო სისტემითა და სასამართლოთი აკონტროლებს. ივანიშვილი ამბობს, რომ საკუთარი თანამოქალაქეების გადასარჩენად, ის პოლიტიკაში შემოდის", - ნათქვამია სტატიაში და იქვე გამოცემა აღნიშნავს, რომ ეს მოულოდნელი სვლაა.
"სააკაშვილმა ივანიშვილი ალექსანდრე დიუმას გამოგონილ პერსონაჟ გრაფ მონტე კრისტოს შეადარა. მაგრამ, პარალელი, როგორც ჩანს, ნაკლებად ადეკვატური ხდება. ივანიშვილს შურისძიებაზე მეტად თითქოს იმედგაცრუება ამოძრავებს. მეტიც, გამოგონილმა პერსონაჟმა მტრების დევნაში უზარმაზარი ცბიერება გამოავლინა. ბ-ნი ივანიშვილის განზრახვაში კი ამხილოს საქართველოს ტრაგედია ფარსის ელემენტებია", - წერს გამოცემა.
გამოცემა წერს, რომ ივანიშვილის რუსეთთან კავშირი ყურადღებას მიიპყრობს, თუმცა აღნიშნავს, რომ რუსეთს და საქართველოს შორის ურთიერთობების გაუმჯობესების არანაირი ნიშნები არ ჩანს.
"საფრანგეთის და საქართველოს ურთიერთობებში დათბობაა. გასულ კვირას, თბილისში ვიზიტის დროს, საფრანგეთის პრეზიდენტმა ნიკოლა სარკოზიმ რუსეთი გაკიცხა იმისთვის, რომ საქართველოსთან 2008 წლის სამშვიდობო გეგმის პირობებს არ იცავს, რომელიც მისი შუამდგომლობით გაფორმდა. „საფრანგეთი ამ ფაქტს არ შეეგუება"- განუცხადა მან აღფრთოვანებულ მასებს. სააკაშვილმა განაცხადა, რომ „ისტორიული" ვიზიტი ხელს შეუწყობს საქართველოს ნატოსა და ევროკავშირში გაწევრიანებას.
"ეს პირველი შემთხვევა არ არის, როდესაც მდიდარი ქართველი სააკაშვილს გამოწვევას უგზავნის. 2008 წელს ბადრი პატარკაციშვილმა პრეზიდენტად საკუთარი კანდიდატურის დაყენებით სააკაშვილზე ანალოგიური შეტევა მიიტანა. ლოზუნგით „საქართველო სააკაშვილის გარეშე არის საქართველო ტერორის გარეშე" მან ხმების მხოლოდ 7,1 % მოიპოვა.თუკი ივანიშვილს და ოპოზიციის ყველაზე რეალურ ლიდერს ირაკლი ალასანიას შორის ჩანასახში არსებული თანამშრომლობა განვითარდება, მან შეიძლება მეტ წარმატებას მიაღწიოს. თუმცა, გრაფი მონტე კრისტო მას ალბათ თამაშის გაფართოვებას ურჩევდა", - ნათქვამია სტატიაში.
