ბიძინა ივანიშვილი კახა კალაძის განცხადებას მიესალმება. ამის შესახებ ივანიშვილის მრჩეველმა საზოგადოებასთან ურთიერთობების საკითხებში ზურაბ ბიგვავამ ბიზნესმენთან შეხვედრის წინ განაცხადა.
ფეხბურთელი კახა კალაძე ბიძინა ივანიშვილს მხარდაჭერას უცხადებს. ამის შესახებ კალაძის მიერ დღეს გავრცელებულ განცხადებაშია ნათქვამი.
"ბატონო ბიძინა, მიიღეთ ჩემი მეგობრულად გამოწვდილი ხელი და როგორც ერთი რიგითი ქართველი მიგულეთ თქვენს გვერდით. მჯერა დღეს ერთი ვარ, მაგრამ ხვალ უკვე ათასობით თქვენს გვერდით მყოფი იქნება, ზეგ კიდევ მეტი", _ ნათქვამია საქართველოს ეროვნული ნაკრების კაპიტნის კახა კალაძის მიერ ქვეყანაში მიმდინარე პროცესებთან დაკავშირებით გავრცელებულ განცხადებაში, რომელიც მის ოფიციალურ "Facebook Fan" გვერდზე გამოქვეყნდა.
ფოტო -
Reuters
