პარლამენტმა გარე მოვაჭრეებთან დაკავშირებით სანქციები გაამკაცრა. დღეს პარლამენტში დამტკიცებული ცვლილებების თანახმად, თბილისის თვითმმართველი ერთეულის ტერიტორიაზე, გარე ვაჭრობა შესაბამისი ნებართვის გარეშე, გამოიწვევს ფიზიკური ან იურიდიული პირის დაჯარიმებას 20 ლარით. თუკი ვერ ხდება მოვაჭრის იდენტიფიცირება, ან ადგილი ექნება დაუმორჩილებლობას, ქმედება გამოიწვევს 50 ლარით დაჯარიმებას და 7 დღემდე ადმინისტრაციულ პატიმრობას. ამ ქმედების განმეორებით ჩადენა დაჯარიმდება 100 ლარით.
ყველა შემთხვევაში ვაჭრობის საგანი ექვემდებარება კონფისკაციას. ხოლო მისი განკარგვის წესს ადგენს ქ.თბილისის თვითმმართველი ერთეულის აღმასრულებელი ორგანო.
ცვლილებები საქართველოს ადმინისტრაციულ სამართალდარღვევათა კოდექსში შევიდა.