ბიძინა ივანიშვილმა სოზარ სუბარი თავის პოლიტიკურ ორგანიზაციაში მიიწვია. როგორც დღეს გავრცელებულ ბიზნესმენის მიმართვაშია აღნიშნული, იგი დიდი გულისტკივილით და სინანულით ამბობს, რომ რომ სოზარ სუბარი აღმოჩნდა იქ, სადაც მისი ადგილი არ იყო.
"თუ ბატონ სოზარს სურვილი ექნება ჩვენს პოლიტიკურ ორგანიზაციას შემოუერთდეს, მე ამას მხოლოდ მივესალმები", - ნათქვამია მიმართვაში და აღნიშნულია, რომ სუბარს ომბუდსმენის საპასუხისმგებლო პოსტზე ბევრი კარგი საქმე აქვს გაკეთებული და არაერთხელ დაუფიქსირებია მტკიცე პოზიცია ხელისუფლების თავნებობის წინააღმდეგ.
