09:00 საათზე, სვეტიცხოვლის საკათედრო ტაძარში საზეიმო წირვა-ლოცვა ჩატარდება. 10:00-17:00 საათამდე, მცხეთის ცენტრალურ ქუჩაზე მცხეთის საჯარო სკოლებისა და კულტურის სახლების საშემოდგომო გამოფენები და სხვადასხვა წარმოდგენითი სანახაობა გაიმართება. ბავშვებისთვის მოეწყობა ზღაპრის გმირების პერსონაჟების სანახაობითი წარმოდგენები, გარდა ამისა, მოეწყობა სპორტული ღონისძიებები: ქართული ჭიდაობა, მაგიდის ჩოგბურთი, ფრენბურთი, მინიფეხბურთი, მკლავჭიდი, ჭადრაკი და ნარდი. პარალელურად მოეწყობა ხალხური რეწვის, კერამიკის, თექისა და ფერწერული ნამუშევრების გამოფენა-გაყიდვა. გაიმართება სახალხო სეირნობა, გამოიფინება საშემოდგომო ნობათი.

12:30 საათიდან 15:0 საათამდე. ქალაქის ცენტრალურ ქუჩაზე (დავით აღმაშენებლის ქუჩა) განლაგებული იქნება სამი სცენა, სადაც დღესასწაულზე მოსული სტუმრების წინაშე, საკუთარი შემოქმედებით წარდგებიან, როგორც მცხეთა-მთიანეთის რეგიონის, ასევე საქართველოს სხვადასხვა რეგიონიდან ჩამოსული ფოლკლორული და ქორეოგრაფიული ანსამბლები.

თეატრონის ტერიტორიაზე განლაგებული კვების ობიექტები დღესასწაულზე მოსულ სტუმრებს_ ქართული ტრადიციული კერძებით გაუმასპინძლდებიან.

ხოლო 15.30 საათზე, სვეტიცხოვლის მიმდებარე ტერიტორიაზე გალაკონცერტი დაიწყება, სადაც მონაწილეობას მიიღებენ ქართული ესტრადის ცნობილი ვარსკვლავები.