გამოკითხულთა 46%-ს რობერტ სტურუას გათავისუფლების შესახებ არ სმენია. ამის შესახებ NDI-ის კვლევაშია ნათქვამი. კვლევის თანახმად, აღნიშნულთან დაკავშირებით 51%-ს სმენია, დანარჩენმა კი უპასუხა "არ ვიცი". გამოკითხულთა 41 პროცენტი ვერ ასახელებს გათავისუფლების მიზეზის. 33% მიიჩნევს, რომ სტურუას გათავისუფლება პოლიტიკური შეხედულებები იყო, 21% ქსენოფობიურ განცხადებებს უკავშირების, 1 % კი სტურუას ასაკს.
მინისტრ ნიკოლოზ რურუას განცხადებით, რობერტ სტურუამ არაერთხელ გააკეთა ქსენოფობიური განცხადებები. აღნიშნული განცხადებები გახდა მისი გათავისუფლების მიზეზი. 44% სტურუას ამ მიზეზით გათავისუფლებას არ ეთანხმება, 39%-მა კი არ იცის. ამის მომხრე მხოლოდ 14 პროცენტია.
კვლევის მიხედვით, 44% არ ეთანხმება, რომ იგივე მიდგომა გავრცელდეს ხელისუფლების ყველა წარმომადგენლის მიმართ.
NDI-ის კვლევა 2011 წლის 9-21 სექტემბერს ჩატარდა. საქართველოს მასშტაბით, პირისპირ ინტერვიუს წარმომადგენლობითი შერჩევის საფუძველზე გამოიკითხა 2 425 კაცი.
