საზოგადოებრივ მაუწყებელზე ბიძინა ივანიშვილის ჟურნალისტებთან შეხვედრის ფორმატი დღეს ან ხვალ გახდება ცნობილი. ამის შესახებ „ჯი-ეიჩ-ენს" ბიძინა ივანიშვილის პრესმდივანმა ირაკლი ტრიპოლსკიმ განუცხადა.
„ფორმატი არ დადგენილა. შევხვდი გია ჭანტურიას და ველოდები პასუხს. დღის ბოლომდე ან ხვალ გახდება ცნობილი თუ რა ფორმატით და რა გადაცემაში მოხდება შეხვედრა", - განაცხადა ტრიპოლსკიმ.
შეგახსენებთ, რომ 8 ოქტომბერს ირაკლი ტრიპოლსკიმ გაავრცელა ინფორმაცია, რომლის თანახმადაც ბიძინა ივანიშვილი საზოგადოებისადმი მორიგ მიმართვას 12 ოქტომბერს გაავრცელებს. ტრიპოლსკივე ინფორმაციით, ივანიშვილი მზად არის 14 ოქტომბრიდან საზოგადოებრივ არხზე ნებისმიერ ფორმატში გასცეს პასუხი ჟურნალისტთა შეკითხვებს.
