15 ოქტომბერს, სიღნაღის რაიონის სოფელ ნუკრიანში, პირველი საჯარო სკოლის მიმდებარე ტერიტორიაზე, სათემო ორგანიზაცია „ნუკრიანი" ხალხური რეწვის, კულინარიისა და შემოქმედების ფესტივალს გამართავს. ფესტივალი 13:00 საათზე გაიხსნება.
როგორც კახეთის საინფორმაციო ცენტრს სათემო ორგანიზაცია „ნუკრიანის" აღმასრულებელმა დირექტორმა მაია ბიძინაშვილმა განუცხადა, „ფესტივალის მიზანია კახეთის რეგიონის შემოქმედებითი პოტენციალის წარმოჩენა და პოპულარიზაცია.
„ფესტივალზე წარმოდგენილი იქნება კახეთის რეგიონის ხალხური რეწვის პროდუქცია და ქართული კულინარია. გვექნება თონე, სადაც პური გამოცხვება. მონაწილეები ალვანიდან, ლაგოდეხიდან და დედოფლისწყაროდან ჩამოვლენ. თბილისიდან გვეყოლებიან ქართული საბრძოლო ხელოვნების წარმომადგენლები. გაიმართება სასოფლო - სამეურნეო პროდუქციის გამოფენა-გაყიდვა. ბოლოს კი ფოლკლორული ანსამბლების მიერ კონცერტი ჩატარდება. ფესიტივალი წელს უკვე მესამედ ტარდება", - აღნიშნა მაია ბიძინაშვილმა.
