ნორიოს გზაზე ავტოსაგზაო შემთხვევას ერთი ადამიანის სიცოცხლე შეეწირა.
თხევადი აირის გადამტანი სატვირთო მანქანა სავალი ნაწილიდან გადავიდა და ამოყირავდა.
ავტომანქანას სომხეთის მოქალაქე გაგიქ სეტრაქიანი მართავდა. 55 წლის მძღოლი ადგილზევე გარდაიცვალა.
თხევადი აირის მანქანა ცარიელი იყო, ამიტომ აალების საშიშროება არ შექმნილა.
ავარიის მიზეზად ავტომობილის გაუმართაობა სახელდება.
ავტოსაგზაო შემთხვევიდან რამდენიმე წუთში ადგილზე გამოცხადდა სახანძრო და სამაშველო ბრიგადები. ცხედარი პროზექტურაში გადაიტანეს.
