"დღეს დავასრულე სიმღერა სახელწოდებით "ქართული ოცნება", რომელსაც ვუძღვნი მამაჩემის გადაწყვეტილებას", - წერს ბერა ივანიშვილი სოციალურ ქსელ "facebook"-ზე.
მომღერალი, ბიძინა ივანიშვილის პოლიტიკაში მოსვლის გადაწყვეტილების შესახებ პირველივე განცხადების გავრცელების შემდეგ "facebook"-ის მეშვეობით უჭერს მხარს.
"მოვიდა დრო ერთად ავიხდინოთ ქართული ოცნება!!! - ასე ეხმიანება ბერა ივანიშვილი მამამის, ბიძინა ივანიშვილის მიერ პოლიტიკური პარტიის შექმნის შესახებ გადაწყვეტილებას.
ბერა ივანიშვილმა "ქართუ ჯგუფის" მიერ გავრცელებული განცხადება სოციალურ ქსელ " facebook"-ში საკუთარ ფან.გვერდზე გამოაქვეყნა.
„მე გადავწყვიტე შევქმნა პოლიტიკური პარტია და მონაწილეობა მივიღო 2012 წლის საპარლამენტო არჩევნებში", - ამონარიდი ბიძინა ივანიშვილის განცხადებიდან, რომელიც "ქართუ ჯგუფის" პრესსამსახურმა რამდენიმე დღის წინ გაავრცელა.
