საქართველოს დოკუმენტური მემკვიდრეობის 1000 ნამუშევარი იუნესკოს მსოფლიო პროგრამის რეესტრში მოხვდა. ამის შესახებ სააგენტო "ჯი-ეიჩ-ენს" იუნესკოდან აცნობეს.
"საქართველოს, საფრანგეთის, პორტუგალიის, აშშ-ის, ყაზახეთის, ანგოლისა და სომხეთის შვიდი ახალი დოკუმენტური მემკვიდრეობის ძეგლი იუნესკოს მსოფლიო პროგრამის "მსოფლიო მეხსიერების" რეესტრში მოხვდა", _ ნათქვამია სააგენტოსთვის მიწოდებულ ინფორმაციაში და იქვე აღნიშნულია, რომ ქართული ხელნაწერების კოლექცია 1000 ნამუშევარს შეადგენს. უძველესი ხელნაწერები ხელნაწერთა ეროვნულ ინსტიტუტში ინახება.
"კოლექცია ადამიანის საქმიანობის სხვადასხვა სფეროს მოიცავს, მაგრამ იგი განსაკუთრებით მდიდარია საეკლესიო ხელნაწერებით", _ ნათქვამია გავრცელებულ ინფორმაციაში.
