კომპანია „გუდვილი" სა და „იოლი გასტრონომიის" ორგანიზებით სასტუმრო „ამბასადორში" სემინარი გაიმართა, რომელსაც დიდი კომპანიების წარმომადგენლებთან ერთად მცირე მეწარმეებიც ესწრებოდნენ. სემინარზე მომხსენებლებმა პროდუქციის ეტიკეტირების, ტრანსპორტირებისა და შენახვის პირობების პრობლემების გადაჭრის გზებზე ისაუბრეს.
"სემინარ-კონფერენციაზე მოწვეული გვყავდა ის მწარმოებელი ფირმები, რომლებსაც ჩვენს ქსელში პროდუქცია შემოაქვთ. სემინარის ჩატარების მიზეზი გახლდათ არსებული ეტიკეტირებისა და პროდუქტის ტრანსპორტირების პირობების დარღვევის შემთხვევები. ეს იყო საინფორმაციო ხასიათის შეხვედრა, სადაც იმ წესებზე ვისაუბრეთ, რომელთა დაცვა აუცილებელია, რათა მომხმარებელთა უფლებები დაცული იქნას. მწარმოებელ და დისტრიბუტორ ფირმებს მიეცათ გონივრული ვადა ერთი თვე, რათა დაფიქსირებული პრობლემები აღმოფხვრან. „გუდვილში" დანერგილია ხარისხის მენეჯმენტის სისტემა ISO9001:2008 HACCP-ის კონცეფციით, რაც ხარისხიანი პროდუქციის გარანტიას იძლევა. ამისთვის გუდვილში ყოველდღიურად სხვადასხვა სახის შემოწმებები ტარდება. შემუშავებული გვაქვს გეგმა, რომლის მიხედვითაც მუდმივად ვაკონტროლებთ მომწოდებლებს", - გუდვილის ხარისხის სამსახურის უფროსი ლევან ჩიტეიშვილი.
კომპანია გუდვილი მომავალში გეგმავს მსგავსი ინფორმაციული სემინარები მისივე თანამშრომლებისთვის გამართოს, სადაც მოწვეულნი იქნებიან საერთაშორისო ექსპერტები და სურსათის ეროვნული სააგენტოს წარმომადგენლები.