სოციალურ ქსელში გავრცელებული ინფორმაცია, რომ „მის საქართველო 2011"-ის ტიტულის მფლობელი ჟანეტ ქერდიყოშვილი რუსეთის მოქალაქეა მცდარია. ამასთან დაკავშირებით „ჯი-ეიჩ-ენს" „იმიჯ-ცენტრის" საზოგადოებასთან ურთიერთობის მენეჯერმა, მაცაცო გულუამ განუცხადა.
„ეს მცდარი ინფორმაციაა. ჟანეტი არ არის რუსეთის მოქალაქე და ვერ მივხვდით ეს ინფორმაცია რატომ გაუვრცელეს. ამასთან დაკავშირებით ია კიწმარიშვილი განცხადებას აუცილებლად გააკეთებს", - აღნიშნა გულუამ.
შეგახსენებთ, რომ „მის საქართველო 2011" 19 წლის ჟანეტ ქერდიყოშვილი თბილისის ივანე ჯავახიშვილის სახელობის სახელმწიფო უნივერსიტეტის ჟურნალისტიკის ფაკულტეტის მესამე კურსის სტუდენტია. ის საქართველოს „მის სამყაროზე" წარადგენს. მთავარი პრიზი ბრილიანტის დიადემა ჟანეტ ქერდიყოშვილს 2010 წლის" მის საქართველომ" დეა არაყიშვილმა გადასცა.
საქართველოს ყველაზე ლამაზი გოგონას ტიტულისთვის წელს 20 ლამაზმანი იბრძოდა. მათგან „პირველი მის საქართველოს" ტიტულის მფლობელი სალი ხომერიკი, ხოლო მეორე ნინო მასპინძელაშვილი გახდა.
კონკურსის შედეგად სულ თორმეტ სხვადასხვა ნომინაციაში გამარჯვებული გოგონების გამოვლინდნენ.
ჟანეტ ქერდიყოშვილი ლონდონში გაემგზავრება, სადაც საკუთარ სამშობლოს 120 ქვეყნის წარმომადგენელთან ერთად წარადგენს. „მის საქართველოს" ცერემონია ბათუმში გაიმართა.
