Facebook-ში მიხეილ სააკაშვილის გვერდი აღდგენილია. პრეზიდენტის Facebook-ის ოფიციალური გვერდი გუშინ დილით დაიბლოკა. დაბლოკვის მიზეზი ათასობით საჩივარი გახდა, რომელიც მომხმარებლებმა მიხეილ სააკაშვლის შესახებ Facebook-ის ადმინისტრაციაში გააგზავნეს. როგორც გაირკვა საჩივრები ფიქტიური იყო და კომპიუტერული ვირუსის მიერ იყო გენერირებული. ჰაკერებისს შეტევის მიზეზი ეს გვერდი მას შემდეგ გახდა, რაც პრეზიდენტის ადმნისტრაციის საიტზე მისი ბმული გაჩნდა.
საქართველოს პრეზიდენტმა მიხეილ სააკაშვილმა სოციალურ ქსელ Facebook-ში საკუთარი გვერდი ორი დღის წინ გახსნა. ამ დროისთვის პრეზიდენტის გვერდი 3352 ადამიანმა უკვე მოიწონა. სააკაშვილს თავის გვერდზე განთავსებული აქვს ფოტოები, მათ შორის ოფიციალური და მოსახლეობასთან შეხვედრების ამსახველი.
პრეზიდენტის შესახებ ინფორმაციაში მითითებულია მისი ადმინისტრაციის ადგილმდებარეობა, სააკაშვილის დაბადების ადგილი და თარიღი, თანამდებობა. პოლიტკურ შეხედულებებში სააკაშვილს "ძალიან ლიბერალური", ხოლო რელიგიურ შეხედულებებში "ორთოდოქსი ქრისტიანი" აქვს მითითებული.