საქართველოს პრეზიდენტმა ქუთაისში რიგით მეოთხე იუსტიციის სახლი გახსნა, სადაც მან უკვე დანერგილ თანამედროვე მომსახურების მნიშვნელობასა და ამ სექტორში განხორციელებულ წარმატებულ რეფორმებზე ისაუბრა. მიხეილ სააკაშვილმა ისიც აღნიშნა, რომ ქვეყანაში განხორციელებული რეფორმების გაზიარების სურვილი, უკვე ძალიან ბევრმა წარმატებულმა ქვეყანამ გამოთქვა.
„ჩვენი დაპირება ჩვენი გეგმა, რომ ქუთაისი გახდეს საქართველოს არა მხოლოდ საპარლამენტო დედაქალაქი, არამედ მეორე დედაქალაქი სრულდება რეალობაში ჩვენი ამოცანა არის, რომ კონტროლის პალატის როცა პარლამენტიც გადმოვა კონტროლის პალატა პრაქტიკულად მთელი შემადგენლობით გადმოვიდეს ქუთაისში აქ მათი დიდი ნაწილია გადმოსული.აქვე თქვენ ხედავთ საქართველოს მთავრობის ახალ სახლს ძალიან ლამაზი და სერიოზული ოფისია.აქვეა პარლამენტის შენიბაც. ეს მთავრობა იქნება მუდმივად ახლოს პარლამენტთან,რადგან მუდმივად უნდა აბაროს ანგარიში. საქართველოს მთავრობის სახლს ჩვენ გავხსნით 23 ნოემბერს. პარლამენტის ახალ შენობაში კი პირველი სხდომა გაიმართება ქუთაისში 2012 წლის 26 მაისს. აქ ბევრი სხვა რამ კეთდება, ეს ნიშნავს რომ რაც ჩვენ ვთქვით ის ბოლომდე განხორციელდება. იუსტიციის სახლები, რომელიც შევქმენით ნამდვილათ გაზვიადების გარეშე მსოფლიოში საუკეთესოა. უკვე რამდენიმე, ქვეყნიდან დაგვიკავშირდნენ , რადგან მათ სურთ ამ სისტემის გადაღება. ე.ი. ეს არის სიახლე ნოუჰა, რომელიც შექმნა საქართველომ. მე მინდა როგორც სახელმწიფო მართვაში ვქმნით ნოუჰაუს იუსტიციის სახლის სახით, ქართული პოლიციის სახით, კორუფციასთან ბრძოლის მექანიზმების სახით, ახალი საგადასახადო და საბაჟო გეზის სახით ზუსტად ასევე შევქმნათ ტექნოლოგიებში ნოუჰაუ. საქართველოს გამოცდილებით და წარმატებული რეფორმებით, დანარჩენი მსოფლიოც ისარგებლებს. ეს არის ჩვენი პირველი ნაბიჯი და ამას უნდა მოყვეს განათლების სისტემის რეფორმაცია, სერიოზული ტექნოლოგიური სიახლეები ყველა სფეროში", - განაცხადა მიხეილ სააკაშვილმა.
ისევე როგორც სხვაგან ქუთაისის იუსტიციის სახლშიც, მომხმარებელს საშუალება ექნება, ერთ სივრცეში მიიღოს იუსტიციის სამინისტროს უწყებების 250-ზე მეტი სერვისი, აქვე შესაძლებელი იქნება ენერგეტიკის სამინისტროს სალიცენზიო მომსახურებით სარგებლობაც. ქუთაისის იუსტიციის სახლი პირველია, სადაც ერთდროულად რამდენიმე სახელმწიფო უწყების მომსახურება ერთიანდება.
იუსტიციის სახლის გახსნის შემდეგ, საქართველოს პრეზიდენტმა ქუთაისის სახელმწიფო უნივერსიტეტის ექვს პირველკურსელს, რომლებმაც ეროვნულ გამოცდებში ყველაზე მაღალი ქულები მოიპოვეს, ახალი პირადობის მოწმობები გადასცა. მიხეილ სააკაშვილი იუსტიციის სახლის წინ შეკრებილ მოსახლეობასაც გაესაუბრა.
მიხეილ სააკაშვილთან ერთად, ღონისძიებაში იუსტიციის მინისტრი ზურაბ ადეიშვილი და ქუთათელ-გაენათელი მიტროპოლიტი, მეუფე კალისტრატე მონაწილეობდა. იუსტიციის სახლის გახსნას საკანონმდებლო, აღმასრულებელი და სასამართლო ორგანოების წარმომადგენლები, ასევე, საქართველოში აკრედიტირებული დიპლომატიური კორპუსის წევრები და ქუთაისის მცხოვრებლები დაესწრნენ.