თბილისის კინოთეატრების ქსელი ქართულ ინტერნეტპორტალებს სასამართლოში უჩივის. ამასთან დაკავშირებით პრესკონფერენცია "ამირანში" მოეწყო, სადაც ვებგვერდებისგან "ამირანი" და "რუსთაველი" მიყენებული მატერიაულური ზარალის ანაზღაურების მოთხოვნის შესახებ საქართველოს საავტორო უფლებათა ასოციაციის თავჯდომარე გიგა კობალაძემ და კინოთეატრების პიარ-მენეჯერმა ირინა კილოსანიძემ ისაუბრეს.
"ამ საკითხთან დაკავშირებით პირველად ჩვენ გავზარდეთ საზოგადოებოის ყურადღება, დავიწყეთ მოლაპარაკებები ყველა იმ ინტერნეტპორტალებთან, რომელიც უკანონოდ, არასანქცირებულად აქვეყნებს ასეთ პროდიქციას. უმრავლესობამ ვებგვერდისა დაგვთანხმდა და მათთან აღარ განთავსდება ის ფილმები, რომლებიც კინოთეატრების ქსელს ეკუთვნის. თუმცა, დარჩა ვებგვედები, რომლებთანაც მოლაპარაკებები ვერ შედგა. სწორედ ამან გამოიწვია, რომ ჩვენ სარჩელით მივმართეთ სასამართლოს", - განაცხადა გიგა კობალაძემ.
ცნობისთვის, სულ 7 ვებგვერდია ვის მიმართაც დღეს თბილისის კინოთეატრების ქსელის წარმომადგენლებმა სარჩელი შეიტანეს.
როგორც "ჯი-ეიჩ-ენს" კინოთეატრების პიარ-მენეჯერმა, ირინა კილოსანმა განუცხადა ვებგვერდებისგან კინოთეატრების ბიუჯეტს საკმაოდ სოლიდური ზარალი აქვს მიყენებული.
"კინოთეატრებში კვირაში ერთი ფილმს ვამატებთ და ინტერნეტში ამის გამოქვეყნება ჩვენ ხელს გვიშლის, რაც საკმაოდ სოლიდურ ზარალს აყენებს კინოთეატრების ბიუჯეტს", - აღნიშნა კილოსანმა.
შეგახსენებთ, რომ სარჩელი ორ საკითხს გულისხმობს. პირველია აკრძალვა, რომელიც უმოკლეს ვადაში შეიძლება დასრულდეს და მეორე მოთხოვნა ეს არის ვებგვერდებისთვის იმ ზიანის დაკისრება, რომელიც კინო-თეატრებს მიადგა.
