მეწყერის ახალი საფრთხეა საქართველო-სომხეთის საზღვართან. ღამით სტიქია კიდევ განმეორდა, სპეციალისტები ახალ ტალღას ყოველ წუთს ელოდებიან.
ამ დრომდე ვერ ხერხდება 5 დაკარგულის პოვნა, მათგან ორი საქართველოს მოქალაქეა. მაშველები ისევ საგანგებო რეჟიმში მუშაობენ. ადგილზე მთელი ღამის განმავლობაში იმყოფებოდნენ პირველის არხის გადამღები ჯგუფებიც.
სომხეთის საგანგებო სიტუაციათა სამინისტროს ინფორმაციით დაკარგულები არიან: 1961 წელს დაბადებული გენა სურმანიძე, 1949 წელს დაბადებული გურგენ აკოფიანი, 1981 წელს დაბადებული ნუკრი სურმანიძე და 1992 წელს დაბადებული არტურ აკოფიანი.
სომხეთის საგანგებო სიტუაციების სამსახურის უფროსის განცხადებით, , სომხეთმა, შესაძლოა, საქართველოს მძიმე ტექნიკით დახმარება სთხოვოს. ქართული მხარე დაუკავშირდა სომხურ მხარეს და დახმარების მზადყოფნა გამოთქვა. საქართველო მზადაა სომხეთს სტიქიის შედეგების ლიკვიდაციაში დაეხმაროს.
შეგახსენებთ, რომ ძლიერი მეწყერის შედეგად საქართველო-სომხეთის საზღვარზე. მიწამ 21 ავტომობილი ჩაიყოლა. მათ შორის 2 ავტომობილი საქართველოს მოქალაქეებს ეკუთვნოდა. სტიქიის შედეგად 10-მდე ადამიანი დაზარალდა. რამდენიმე ადამიანს ამ დრომდე ეძებენ. დნარჩენებმა მანქანებიდან გადმოსვლა დროულად მოასწრეს და საბედნიეროდ არ დაშავებულან.