დღეს, 4 ოქტომბერს, 2013 წლის მწვანე ბარათის ლატარიაში მონაწილეობის მსურველთა რეგისტრაცია იწყება. მწვანე ბარათი ლატარიის მონაწილეებს აშშ-ში ლეგალური ემიგრაციის საშუალებას აძლევს. გამარჯვებულს ავლენს კომპიუტერი შემთხვევითი შერჩევის პრინციპით. ყოველწლიურად მთელ მსოფლიოში გაიცემა 55 000 საემიგრაციო ვიზა იმ ქვეყნების მოქალაქეებისთვის, რომელთაც აშშ-ში ემიგრაციის დაბალი მაჩვენებელი აქვთ.
ლატარიაში მონაწილეობის მისაღებად განაცხადების გაგზავნა შესაძლებელია 30 დღის განმავლობაში. განაცხადების მიღება დაიწყება 2011 წლის 4 ოქტომბერს და დასრულდება 2011 წლის 5 ნოემბერს. ერთადერთი ვებგვერდი, საიდანაც განაცხადის გაგზავნა შეიძლება, არის www.dvlottery.state.gov. მწვანე ბარათის ლატარიაში მონაწილეობისთვის განაცხადის შეტანა უფასოა. 2012 წლის 1-ლი მაისიდან, მსურველებს მხოლოდ www.dvlottery.state.gov ვებგვერდზე შეეძლებათ, შეიტყონ, გაიმარჯვეთ თუ არა ლატარიაში. ინფორმაციის მისაღებად საკმარისი იქნება იმ სარეგისტრაციო ნომრის მითითება, რომელიც განმცხადებელს განაცხადის შეტანისას მიენიჭა. ლატარიაში გამარჯვებულებს ინფორმაცია არ გაეგზავნებათ არც ელექტრონული და არც ჩვეულებრივი ფოსტით.
აშშ-ის საელჩო ყველას დაბეჯითებით ურჩევს, არ ისარგებლონ კერძო საშუამავლო კომპანიების, ან თარჯიმანთა ბიუროების მომსახურებით მწვანე ბარათის ლატარიაში მონაწილეობისთვის განაცხადის შევსებისას. ამ კომპანიების მომსახურება სრულიად ზედმეტია. მათი საქმიანობა ხშირად თაღლითობასთანაა დაკავშირებული. პირმა, რომელიც შუამავალი კომპანიების მომსახურებით ისარგებლებს, შესაძლოა, ვერ მიიღოს აშშ-ის ვიზა.
მწვანე ბარათის ლატარიის შესახებ უახლესი ინფორმაციისათვის, მსურველებმა უნდა მიმართონ აშშ-ის საელჩოს ოფიციალური ვებგვერდს: http://georgia.usembassy.gov.
