ხვალ, 4 ოქტომბერს, 2013 წლის მწვანე ბარათის ლატარიაში მონაწილეობის მსურველთა რეგისტრაცია იწყება. მწვანე ბარათი ლატარიის მონაწილეებს აშშ-ში ლეგალური ემიგრაციის საშუალებას აძლევს. გამარჯვებულს ავლენს კომპიუტერი შემთხვევითი შერჩევის პრინციპით. ყოველწლიურად მთელ მსოფლიოში გაიცემა 55 000 საემიგრაციო ვიზა იმ ქვეყნების მოქალაქეებისათვის, რომელთაც აშშ-ში ემიგრაციის დაბალი მაჩვენებელი აქვთ.
ლატარიაში მონაწილეობის მისაღებად განაცხადების გაგზავნა შესაძლებელია 30 დღის განმავლობაში. განაცხადების მიღება დაიწყება სამშაბათს, 2011 წლის 4 ოქტომბერს და დასრულდება შაბათს, 2011 წლის 5 ნოემბერს. ერთადერთი ვებგვერდი, საიდანაც თქვენი განაცხადის გაგზავნა შეიძლება, არის www.dvlottery.state.gov. მწვანე ბარათის ლატარეაში მონაწილეობისათვის განაცხადის შეტანა სრულიად უფასოა. 2012 წლის 1 მაისიდან, მხოლოდ www.dvlottery.state.gov ვებგვერდზე შეგეძლებათ, შეიტყოთ, გაიმარჯვეთ თუ არა ლატარეაში. ინფორმაციის მისაღებად საკმარისი იქნება იმ სარეგისტრაციო ნომრის მითითება, რომელიც განაცხადის შეტანისას მოგენიჭათ. ლატარიაში გამარჯვებულებს ინფორმაცია არ გაეგზავნებათ არც ელექტრონული და არც ჩვეულებრივი ფოსტით.
აშშ-ის საელჩო დაბეჯითებით გირჩევთ, არ ისარგებლოთ კერძო საშუამავლო კომპანიების, ან თარჯიმანთა ბიუროების მომსახურებით მწვანე ბარათის ლატარიაში მონაწილეობისათვის განაცხადის შევსებისას. ამ კომპანიების მომსახურება სრულიად ზედმეტია. მათი საქმიანობა ხშირად თაღლითობასთანაა დაკავშირებული. პირმა, რომელიც შუამავალი კომპანიების მომსახურებით ისარგებლებს, შესაძლოა, ვერ მიიღოს აშშ-ის ვიზა.
მწვანე ბარათის ლატარიის შესახებ უახლესი ინფორმაციისათვის, გთხოვთ, მიმართოთ აშშ-ის საელჩოს ოფიციალური ვებგვერდს: http://georgia.usembassy.gov.